Anupam Kher-i ‘intolerance’ anema lungka anitsü

November 05 (Agencies): Actor Anupam Kher-i, linük nung tanagar temeten, tebilemba aser tamangba anemertem anema Hokolbarnü pa den Rashtrapati Bhavan, Delhi tonga tetsüng agi jajaba nung shilem agiang, ta India nunger ajak ayongogo.

“#MarchForIndia sentong ya November 7 anepdang 10:00 ako nung India Gate, New Delhi nungi tenzüktsü. India nunger ajak iba sentong nung shilem agitsü pelashishia jaoker. Jai Ho.:) #IndiaIsTolerant,” ta Kher-i twitter ajanga sangdongogo.

Pa den külemi nüngtugu noksa yanglurtem, kaket zülurtem aser nüngtugu nisungtem iba sentong nung adentsü sentong lir.

Iba sentong ya BJP-i aniba sorkar-i tangar atema mezüngshiba aser sorkari agütsüba award tem meyiptsüba anema ola adoktsü asoshi film director Dibakar Banerjee aser Anand Patwardhan na den kaket zülurtem aser sobaliba nung mongintemi lemtetba lir.

Tawa ang Kher-i, “#AwardWapsiGang yagi sorkar masü saka award agütsütsü acha ayangertem (jury), jury nung menden buba aser film sapua reprangtem mezüngmeshir,” ta twitter ajanga metetdakja liasü.