Yaongyimchen nung Wildlife & Amur Falcon Watch Tower lapok

Dimapur, November 6 (TYO) : November 6, 2015 nü Yaongyimchen yimtsüng nung Dr. V.B. Mathur, Director, Wildlife Institute of India, Dehradun-i Wild Life & Amur Falcon Watch Tower lapokogo.
Iba sentong nung mendenji LEMSACHENLOK Chairman Y. Nuklu Phom liasü, Rev. Dr. L. Anjo Keikung Chancellor, North East Christian University-i temoatsü meshia sarasadem aser Yaongyimchen Village Council Chairman Sajong Phom-i tesentepertem pela agizük.
Sentong nungsa 50 AC Longleng MLA, S. Pangnyu Phom-i ainertem pela agizük aser tayongzükba o jembi aser Longleng Deputy Commissioner Denngan Avennoho, Chief Wildlife Warden, Government of Nagaland Satya Prakash Tripathi, aser Wildlife Warden, Kiphire, Nagaland Kamdi Hemant Bhaskar (IFS) nungertemi o tatsütsü jembi.
Yaongyimchen, Alayong aser Sanglu Village Community Bio-Diversity Conservation Area-i arem tuluka wazüka ayur aser parnoki idakji arem shiruru aser ayongtem aika wazüka lir.
Iba tesem nungi 2012 nungi Molulem tem anenzüker. LEMSACHENLOK-i iba mapa tajung inyakba ajiteta Dr. R. Suresh, Scientist, Department of Endangered Species Management, Wildlife Institute of India-i United Nation Environment Program (UNEP) o Convention on Migratory Species (CMS) nati agütsüba kulikaket den MoU agütsü.