Dimapur nung tanep power supply mangutsü

Dimapur, November 6 (TYO) : November 7, 2015 anepdang Dimapur nung HT aser LT lines anasa arem alibatem leptettsü, anungji Yimtsüng, Ward aser Colony Chairman temi pei pei temeket nung iba mapa inyaktsü mepishia metetdaktsür, ta Er. Moameren (E.E, Dimapur Electrical Division)-i sangdong ka nung metetdaktsü.
Iba mapa asoshi asüngnep 6:00 ako nungi 9:00 ako tashi Dimapur nung power supply mangutsü, anungji akhümtsübua aliba consumer temi aremzüka atatsü mepishir, ta Er. Moameren-isa sangdong nung shia lir.