Novak Djokovic-i Paris Masters semifinal asayatsü jenjang angur

Paris, November 07 (Agencies): Serbia nunger Novak Djokovic-i Czech Republic nunger Tomas Berdych madak takok ngua tang tasayadak Paris Masters tennis asayamong semifinal nung shilem agitsü jenjang yashi Hokolbar nü nguogo.
Tebur World No. 1, Djokovic-i yashi points 7-6 (7/3), 7-6 (10/8) ngua Berdych quarterfinal nung tsükdaktsü.
Tan takok anguba ya densema, Djokovic-i taküm September ita tetenzüklen US Open final asaya akokba mapang nungi tenzüka tanü tashi nung set 28 tashi atonga akoker lir.
Djokovic-i Switzerland nunger Stan Wawrinka den semifinal nung ajuruteptsü.
Wawrinka-ia yashi points 7-6 (10/8), 7-6 (9/7) ngua Spain nunger Rafael Nadal madak quarterfinal asaya akokba sülen semifinal nung shilem agitsü jenjang angu.
Britain nunger Andy Murray-ia yashi minute 38 nung points 7-6 (9/7), 3-6, 6-3 anguba sülen France nunger Richard Gasquet quarterfinal asaya nung tsükdaktsüba osang jangjaogo.
Murray-i par semifinal asaya Spain nunger David Ferrer den asayatsü lemzükogo.
2012 champion, Ferrer-ia points 6-3, 5-3, 40-15 ngua America nunger John Isner quarterfinal nung tsükdaktsüba sülen semifinal nung shilem agitsü jenjang angu.