PM Modi-i LK Advani asoba anogomung salem lemsatep

New Delhi, November 08 (Agencies): Tanü BJP lenir tain, L K Advani arishi küm 88 ajungba anogomung nung Ato kilonser Narendra Modi-i Advani ji party len sayur ka aser tesayur tajungtiba ta shia tasoba anogo salem lemsatepogo.
Ano Tir Pranab Mukherjee, tatong Tir, Hamid Ansari aser Congress Tir, Sonia Gandhi nungeria Advani asoba anogo salem osang lemsatepogo.
Tanü Modi Advani’er kidangi oa salem osang lemsatepba mapang BJP National Tir Amit Shah-a Advani’er kidangji liasü.
Tesülen Modi-i twitter ajanga, “Onok tesayur aser ajungmesor, akhümtsübua aliba LK Advani. Advani anema alitsü aser arishi talang atema ni sarasademtsür,” ta ashi.
Modi-isa, “Advani-i linük atema inyakbaji kanga senti. Pa teti akhümtsübur aser pa ya shisatsü kanga aliba lenir ka. Ni Advani dang nungi aika angazükogo. Pa tesayur tajungtiba aser pei sasa tenlar tatishitsü aketba nisung ka,” ta ashi.