Myanmar General Elections tiptema agiogo

November 08,2015 nü Myamar general election nung Myanmar kübok aliba Longwa (Konyak) nungertem vote agütsüdak adenshia aliba noksa nung angur. Longwa yim ya tesadang ka Nagaland (India) nung aser tesadang ka Myanmar nung lir. (Photo courtesy - Limala in Longwa). — November 08,2015 nü Myamar general election nung Myanmar kübok aliba Longwa (Konyak) nungertem vote agütsüdak adenshia aliba noksa nung angur. Longwa yim ya tesadang ka Nagaland (India) nung aser tesadang ka Myanmar nung lir. (Photo courtesy – Limala in Longwa).

Nay Pyi Taw, November 8 (Agencies) : Küm 25 sülen Deobarnü Myanmar nung mezüngbuba open general election meinprong kecha melii agiogo.
Nikongtsütsü 4.00 ako (par mapang) tashi nung polling stations ajak shibang aser candidate, local & international observers aser public nunger lia votes azüngtsü tenzük, ta osang ka ajanga metetdaktsü.
Iba elections nung vote agütsür noklang nungi shilem 80 shi kati vote agütsüogo ta osang angazüker.
Myanmar nunger lennir Aung San Suu Kyi-i aniba National League for Democracy (NLD)-i parliament menden timba nung takok angutsü ta nisungtemi imlar.
2011 nungi mitkartemi yariba Union Solidarity Development Party (USDP)-i Myanmar nung sorkar yimsü süa arur.
Union Election Commission-i ashiba agi parnoki Hombar anepdang 9:00 ako nungi election results shilem balala metetdaktsütsü.
Deobarnü agiba elections nung vote agütsür nisung million 33.5 shi kati polling stations 46,000 nung vote agütsüogo.
Taküm Myanmar elections nung yimtenren telok 91 nungi candidate ajak agi 6,038 liasü. Ano parnok den Independent candidate 310-i jenjang asem parliament nung menden 1,000 den tema atema toktepogo.
Candidate 6,038 nungi 1,733-i House of Representatives (Lower House), 886-i House of Nationalities (Upper House) aser 3,419-i regional mesüra state parliaments atema toktep.

Myanmar General Elections tiptema agiogo added by nungsang on November 9, 2015
View all posts by nungsang →