Alokba Naga lima mangyim ken

O!! Alima aser yangji aliba ajunga yanglusang Kibur,
Mepet tzüsü temelem tetsüngda nungi
Petinu tila ka angur ama nai yangluba lima nung ozü
Naga lima densemdaktsüogo koda jangratemtsü.

Ozüibo bilem! Onok aser ozü lima ya lijaba Tsüngremi poktetdaktsü,
idangjia nabo imlibilem agi sünger temeim agi onok kotak
meneremlokja ranglok.

O Teyanglur, ne sentongbo onok aser
Ozü Lima ya na asoshi ta renemtsü, apen jagi
Nai onok na mesüka tobur junga yanglushi
Kechiyong nai onok nem anünglen rangketer
Ita petinu dak repranga pei kisüng meneremertem
Jenti mesotetdaktsü koda tepelatsü.

Aya! Meshimetsüri Hon longka shia aru medem
Nai onok nem ne yimli meküploktsüogoni!!
Noklang nung noklang tamanger kümdaktsü,
Aji dang masü ozü lima yimchiyimjung nung yuja aru.

Aji saka O Kibur ozü neburi tamashir dang tamarener ta aja!
Ochi mashir dang onoki Tulur ta aja
Ano sannükertem dang onoki pastorshap ta ajar,
Tanü ozü Naga lima ya temenen lijakjang nükjidong künogo,
Ozü lima tia ya kechi akümer ?
O Kibuba Onok Mekaka Ni!!!!

Lilir : I. Kilang Ajem, Indisen, Dimapur.