Taküm India nunger lakh 1.2 nem French visa agütsüogo

New Delhi, November 09 (Agencies): Tesüiba ita ter tsüngda India nunger lakh 1.2 dak tema nem French Visa agütsüogo, aser ibaji yaküm India nunger nem visa 97,000 agütsüba den timba lir, ta Hombar nü France ambassador to India, Francois Richier-i ashi.

“2014 küm France-i India nem visa 97,000 agütsü, ibaji 2013 küm den medemdangra shilem 37 agi timba lir. Ano 2015 küm tang tashi nung visa 1,21,000 agütsüogo aser taküm küm tembang tashi nungbo lakh 1.4 nungi lakh 1.5 tashi akumtsü onoki imlar,” ta Richier-isa ashi.