MCD & DDCF-i Diwali benjung salem abener

Dimapur, November 9 (TYO) : Muslim Council Dimapur-i Nagaland nung alir ajak den Diwali tepela salem lemsateper, ta sangdong ka nung metetdaktsü.

Iba benjung ajanga Nagaland nung alirtem asoshi tesentaktep tajung bener arutsütsü imlar, ta MCD working president A.Rahman-i sangdong nung shia lir.

Ano, Dimapur District Citizens Forum-ia Nagaland nung Hindu nunger ajak den tepela Diwali benjungmung salem abener ta tir Joseph Lemtur-i sangdong ka nung metetdaktsü.

Iba benjung ajanga Nagaland nung tesentaktep, telongjem aser kati ka akhümtsübutep tali adoktsü imlar, ta DDCF-isa sangdong nung metetdaktsü.