N. Srinivasan ICC Chairman menden nungi anentsüogo

New Delhi, November 09 (Agencies): N. Srinivasan International Cricket Council (ICC) mendenbuba menden nungi tanü Hombar nü anentsüogo.
India ajunga nung cricket asayatsüren ketdang asüba telok, Board of Control for Cricket in India (BCCI)-i tanü Mumbai yimti nung küm tatem senden amenba sülen Srinivasan anentsütsü telemetbaji agi.
Taoba BCCI Tir, asür Jagmohan Dalmiya taküm October ita asüba sülen BCCI Tir menden abensang, Shashank Manohar-i Srinivasan melenzüka ICC mendenbuba mendenji sangküm, 2016 küm June ita tashi abentsü.
BCCI-isa India Cricket team Director, Ravi Shastri-ia Indian Premiere League (IPL) Governing Council nungi anentsüba osang jangjaogo.
Shastri-i Director mendenji sangküm 2016 March-April asayatsü ayongba ICC World T20 asayamong tembangba mapang tashi abentsü renema lir.