Kohima nung State Level Kala Utsav agi

Dimapur, November 10 (TYO) : November 10, 2015 nü Nagaland Education Mission Society Rashtriya Madhyamik Shiksha Abhiyan (RMSA)-i State level competition Kala Utsav ayongzüka agi.
Iba sentong ya Multipurpose Hall, Ruzukhrie Government Higher Secondary School Kohima nung agi aser tongti tesemdangerji Commissioner & Secretary, School Education & SCERT and Chairman, Kala Utsav State Level Committee F.P. Solo liasü.
Tanurtem asoshi Human resource development ajanga iba art festival amungtsü apitet, ta F.P. Solo-i ashi.
Mapang talangka tejaklen nungi fines arts subject ya agia arur saka Kala Utsav tenzükba sülen ang asenoki iba subject tali angateta kümogo. Anungji asenoki tila tanur dak aketba sempettem ajiteta tajungtiba kümdaktsütsü asoshi merangtsüla. Naga nungertem indang sobaliba khenyongi balaka aser item ya tanurtem art ajanga alima dang sayutsü akok. Takok anguba kaketshirtemi Naga Ambassadors ama asen sobaliba ajungkettsü merangang, ta paisa ayongzük.
Kala Utsav tetoktepba nung district ajak nungi shilem agi aser iba nung taok angurtem December 8-12, 2015 tashi national level nung tokteptsü.
Tanü agiba sentong nung mendenji Deputy Director-III RMSA Nagaland liasü, Assistant Mission Director RMSA, Nagaland Dr. Khatoli Khala-i temoatsü meshia sarasadem, State Mission Director RMSA Nagaland, Thejao Vihienuo-i tesentepertem pela agizük aser Deputy Project Director RMSA, Ayie Yhome-i anküp tepela o jembi.
Tetoktepba nung takok angurtem:
Music – 1st T.M. GHS Kohima
Theater – 1st GHSS Dimapur
Visual Art
1st Ruzhukhrie GHSS Kohima
2nd GHS Mokokchung
Dance
1st GMS DC Colony Peren
2nd GHS Bhumnyu Longleng