New Delhi, November 11 (Agencies) : Prime Minister Narendra Modi-i Assam nung kin trok nem Scheduled Tribes (ST) jenjang agütsütsü sentong lir aser iba ya ULFA-ia takhangba agüja arur.
“Assam nung kin trok nem ST jenjang agütsütsü atema file ji Prime Minister ket nung lir. Pai mulunga agizükba sülen Union Cabinet aser Parliament nung benoktsü” ta Minister of State for Home Kiren Rijiju-i osangbener dang ashi.
Assam nungi kin trokji Moran, Muttock, Tai Ahom, Koch Rajbongshi, Sootea aser Tea Tribes.
Sangküm Assam nung assembly elections magidangsa iba ya mapa küma inyaktsü, ta Rijiju-isa ashi.
Assam nung küm 40 tema telungpur khuret lemtettsü atema kobi melii Centre sorkari ULFA den olemtep tenzüktsü, ta paisa shisem.
Union Home Ministry-i All Assam Students Union den ajurutepa 1985 küm meyongnem agütsütepba Assam Accord mapa küma inyaktsü atema jembitsü, ta Rijiju-isa metetdaktsü.
PM-i Assam nunger kin 6 nem ST agütsütsü bilemer: Rijiju added by asungba on
View all posts by asungba →
You must be logged in to post a comment Login