Bengaluru nung Northeast fest ayonger

Bengaluru, November 11 (Agencies): India kübok densemba Northeast nüburtem tanüngba India ajunga den kasa jenjang nung amshitsü benjungmong, 1 buba Sammmant Eeshanya Utsava tan November ita 21 nü nungi tenzüka Bengaluru yimti nung agitsü sentong renema lir.
India tesem balala nung alirtemi NE aser iba tesem nung alir nüburtem indang sobaliba tali angatetdaktsütsü nükjidong nung iba benjungmong ya ayongogo.
Anogo 2 agia agitsü ayongba benjungmong sentong nung Arunachal Pradesh, Assam, Manipur, Meghalaya, Mizoram, Nagaland, Tripura aser Sikkim nunger densema, Northeast nung aliba state 8 pronglai tongti shilem agitsü teremshiba agia lir.