Saina Nehwal China Open 2 buba round tongogo

Fuzhou, November 11 (Agencies): India’er tetsür badminton asayar mongin, Saina Nehwal-i China tsür Sun Yu madak takok ngua tang tasayadak China Open Super Series asayamong tetsür singles shilem indang 2 buba round asayatsü jenjang tanü Bodbar nü ngugo.
Defending champion, Saina-i tanü minute 49 nung points 22-20, 21-18 ngua Sun 1 buba round asaya nung tsükdaktsü.
Tetsür World No. 2 Saina-i tan akokba ya densema, lai World No. 11 Sun den 6 ben tashi ajurutepa asayadang 5 ben tashi takok angur lir.
Külem sensotsür, P.V. Sindhu-ia tanü points 21-14, 21-9 ngua Russia tsür Ksenia Polikarpova madak takok anguba sülen 2 buba round asayatsü jenjang ajangzüka liasü.
Ajisüaka, tebur singles shilem nung India nunger Ajay Jayaram-i points 12-21, 11-21 ngua tebur World No. 1, China nunger Chen Long madak takok mongutetba osang jangjaogo.
Tebur defending champion, Kidambi Srikanth-a Hong Kong nunger Hu Yun-i 1 buba round nung tsükdakja liasü.
Hu-i tanü points 21-12, 21-18 agi Srikanth madak takok ngua 2 buba round nung shilem agitsü jenjang angu.
Külem sensopur, Prannoy Kumar-ia tanü kanga meranga shilem agi saka pai points 14-21, 21-17, 19-21 ngua China nunger Guo Kai mekokteti tamakok ajuru.