Sorkar akümtsü maparen Nov. 14 nungi tenzüktsü: Nitish

Patna, November 11 (Agencies): Bihar assembly nung takok tulu anguba sülen Bodhbar nü Bihar Chief Minister, Nitish Kumar-i, sorkar akümtsü maparen November 14 nü tenzüka kasa anogo nung state Cabinet senden mena tan aliba House anentsü atema benoktsü, ta ashi.
Raj Bhavan kima osangbenertem den jembidang Kumar-i, November 14 nikongdang secular teloktep (JD(U)-RJD-Congress) legislature party senden mena lenir tasen shimtsü aser sorkar menden tenangzükba agitsü atema anogo shimtsü, ta ashi.
RJD lenir ka Deputy Chief Minister akümtsü asü (?) ta asüngdangba langzüdang Kumar-i, “Item ajakji mapang tetemsü nung nenok dang ashitsü,” ta ashi.
RJD tongti lenir, Lalu Prasad’er kinünger ka Deputy Chief minister akümtsüa akok ta aikati imladar. Secular teloktep nung RJD-i menden timba, 80 ngua liasü.
Iba teloktep nung JD(U)-i menden 71 aser Congress-i menden 27 nung takok nguogo.
JDU senior lenir kari ashiba agi, sorkar tasenba November 20 nü tenangzükba agitsüa akok.