Luzern Meet: Asafa Powell-i tebur 100m takokba angu

Luzern, July 15 (Agencies): Jamaica nunger Asafa Powell-i Switerland kübok Luzern nung ayongba Luzern Meet tebur 100m shilem indang takokba yashi Mongolbar nü nguogo.
Powell-i mapang 9.87 seconds nung alizüng tonga takokbaji angu.
Powell sülen anidaka, külem sensopur, Nesta Carter-i mapang 10.06 seconds aser Kemar Bailey-Cole-i mapang 10.10 seconds nung alizüng tongteta tanabuba aser tasembuba jenjang ajangzük.
Tan takok anguba ya taoba World Championships bronze medallist, Powell-i taküm 2015 küm tenzüker tanü tashi nung tekaraba mapang nung 100m alizüng atonger lir.
Jamaica tsür Veronica Campbell-Brown-ia tanü kanga kara asema tetsür 200m alizüng mapang 22.61 seconds nung atong saka US tsür Choranda Williams-i mapang 22.32 seconds nung alizüng mezüng tongadokba yong Veronica-i tanabuba jenjang ang ngutet.
Tena sülen anidaka, US tsür Tiffany Townsend-i mapang 22.62 seconds nung alizüng tongteta tasembuba jenajng angu.