Dawood anema inyaktsü Modi-i Cameron dang mepishitsü

New Delhi, November 12 (Agencies): Ato kilonser Narendra Modi-i British Ato kilonser, David Cameron dang United Kingdom nung telungpur tetsüdi aser kiralongrar, Dawood Ibrahim indang operation tem anema inyaktsü mepishitsü akok, ta Brihostibar nü osang ka ajanga metetdaktsü.
Yaküm May ita nung Modi’er sorkar tashii aruba sülen nungi tenzüka sorkari 1993 küm Mumbai nung bomb lendong tulu agütsüba nung densema alisang Dawood Ibrahim pur ozüng magtsüngdangi anir arutsü meranga inyaker.
Tanü Ato kilonser Modi Delhi nungi Britain-i apusoa ogo. Modi-i anogo asemnü UK semdangba mapang India aser Britain na tsüngda investments aser defence cooperation nung tezüngzüktep aika agitsü.
India sorkari United Kingdom nung Dawood Ibrahim indang kiojen densema pa meyong rongsen osang aika bendena lir.
India nungeri kanga bushia aliba rongnung tongti, Dawood aser par züngsemtem indang UK nung kiojen aser rongsen tajemba aika 15 lir.
Dawood indang mezüngbuba property ji London, St John Wood Road nung lir, kong gari anendak tulu ka yanglua lir aser iba nungjagi Dawood aser par ‘company’-i mapa inyaker.
Telungpur tetsüdi Dawood indang property aliba tesemtemji-
# Herbert road, Hornchurch, Essex RM113LA.
Richmond Road.
# Dartford Hotel, Spital Street, Dartford.
# Tomswood Road, Chigwell.
# Shops and apartment at Roehampton High Street, London.
# Shops and apartment at Lancelot Road.
# Property at Tharton Road.
# Romford Essex
# Shepherds Bush Garden, London.
# Great Central Avenue, South Ruislif.
# St Swithins Lane, London.
# Flat in Roehampton High Street, London.
# Property in Woodhouse Road, New North Road, Hainault.
# Development properties in Richmond Road.