Taküm tenla agüja apokba lendong nung police 4 yiru:Turkey

Ankara, November 15 (Agencies): Islamic State (IS) telok nungi taküm tenla agüja temang nung tapoktsü alenloker apokertemi Turkey anülulentip tsütsü lendong agütsüdang police 4 yirutsü, ta Xinhua osang ajanga Deobarnü metetdaktsü.
Gaziantep province nung telungpur atsükokba tesem ka nung police-i mita aoba mapang iba telungpur sangi pa dak alenloka aliba tapoktsüji pokdakja pa-a yangji pokset, ta Dogan News Agency ajanga metetdaktsü.
Linük yimtiba Ankara nung October 10 nü tapoktsü lendong ataloka nisung 102 asüba dak sendakba nung bushisüngdangba mapang police pezü ya yiru.
Ankara nung tapoktsü pokdaktsür rongnung kabo, Syria arrtsülen aliba Suruc jila nung July ita iba ama lendong agütsür adianu, Islamic State züngsem ka lir ta jangjaogo.