Alima aienba nung India tongshi ka ama asütsü: Modi

Antalya (Turkey), November 15 (Agencies): Ato Kilonser Narendra Modi-i, India linük tila süaka alima aienba tsütsü tongti tongshi ka asütsü, ta Deobarnü ashi.
India nung terenlok maparenji SDGs (Sustainable Development Goals) den liro medema ao’er,” ta tang tenzüker aliba, ananü amungtsü aliba G20 Summit mapang Modi-i ashi.
“Lanurtem nem mapa inyaktsü maongka lapoktsütsü asoshi onoki terenlok aser sen amshiyim ajungkettsür, infrastructure ulushir aser aluyimba nung sen entoker,” ta pai ashi.
Alima rangben danga India nung ‘financial programme’ tuluba lir ta ashiba mapang, Modi-i, “Linük nung nüburtem nüngdakba ataloktsütsü asoshi onoki anogo tejangja züngteta yua lir,” ta ashi.
“Yimsüsüba aser sen tsütsü tashi ita inyakba ajanga onoki terenlok tsütsü shilem 7.5 tali inyaktetogo aser ibaji ajanga tarutsü nung kanga ajangzüktsü,” ta Ato Kilonseri ashi.