VHP lenir Ashok Singhal temang kanga mejungi lir

Gurgaon, November 15 (Agencies): Senior Vishwa Hindu Parishad (VHP) lenir, Ashok Singhal temang kanga mejungi lir, ta tanü Gurgaon nung doctor kati metetdaktsü.
Hokolbar aonung Singhal Gurgaon nung aliba Medanta – The Medicity hospital-i anir oa liasü aser tang pa Intensive Care Unit (ICU) nung yaridar, ta tanü doctor kati osangbenertem dang ashi.
Sanjay Mittal leniba nung doctor telok kati Singhal yaridar.
“Singhal temelungjang aser tezüngjang timtem atema teyari agütsüdar. Pa dak ano tangu sashiba timtem-a adokogo,” ta osang ka ajanga ashi.
Honibar nü BJP National Tir, Amit Shah hospital jagi oa pa semdangogo.
Ano Union Home minister, Rajnath Singh aser VHP lenir Praveen Togadia natia pa semdangogo.
Doctor kati ashiba agi, Singhal indang ‘parameter’ kar ajanga imlaba ama telangzüba junga magütsür.
Hopta ana tejaklen Singhal iba hospital-i anir arua liasü ajisüaka pa temang tajungba akumba ajanga kidangi meyipa anir ao.
Maneni pa temang kanga tamajungba akumba ajanga ano tanaben kasa mozükidangi anir ogo.