NITI Aayog Governing Council senden nung T.R. Zeliang aden

New Delhi, July 15 (TYO) : July 15, 2015 nü Delhi nung NITI Aayog Governing Council senden tanabuba nung Nagaland chief minister, TR. Zeliang aden.
Iba senden nung TR Zeliang-i mezüngbuba Governing Council senden nung Action Taken Report nung temelenshi kar asütsü atema onüktem benoka lemsatep.
Pai ashiba ashi, “taoba senden indang minute agizüker saka Action Taken Report nung onük kar metongshitsüla.”
TR Zeliang-i benokba onüktem rongnung mezüngbubaji, Nagaland state sorkari May 28, 2015 nü Task Force on Elimination of Poverty tentet aser iba osangji June 22, 2015 nü CEO, NITI AAYOG nem agütsü. April 23, 2015 nü Task Force on Agriculture Development tentet aser iba osangji July 3, 2015 nü CEO, NITI AAYOG nem agütsü aser chief minister lenisüba kübok State Level Project Implementation Committee (SLPIC) ajanga mapa inyaka aruba nungertem liasü. Taoba senden indang ATR nung itemji melenshitsüla ta pai ashi.
Ano, onük tanabubaji Right to Fair Compensation and Transparency in Land Acquisition, Rehabilitation and Resettlement (RFCTLARR) Act, 2013 atema liasü.
Nagaland chief minister-i ashiba agi, “Nagaland sorkari amendment Bill 2015 pusema nungiter aser iba jagi 2013 küm yangluba Act melenzüktsü. Iba nung “Consent clause” ta ser agüja alibaji junger, saka yimten telok kari iba nung ajemdaker ali dak sendakba maparen nung tetsükdaktsü bener arutsütsü akok.”
“Ano, social activist kari mebilemdangi iba ozüng ya tim mesüi amshitsü akok. Nagaland nung ali kibur inyakyimji khenyongi balaka lir. British nunger yimsüsüba mapang nungi tetsütebou mapang ali kibur inyakyim nung temelenshi kecha melii dang benshiyonga arur. District Headquarters aser jilatem dak alaka Nagaland ajungalen patta system indang inyakyim mali. Iba ya Linük Temzüng kübok Arla 371-A ajanga pusema nungiter. Anungji state sorkari nija liji kibur den jembitepba sülen ang alizüker. Aji agi, Nagaland nungbo RECTLARR Act ji mapa küma meinyaktettsü saka linük atemabo Amendment Bill, 2015 pusema nungiter,” ta paisa ashi.
Tanü Vigyan Bhawan nung Prime Minister, Narendra Modi-i “Skill India” tenzüktsüba sentong nung Chief Minister TR Zeliang den Skill Development and Entrepreneurship Parliamentary Secretary, Mmhonlumo Kikon na aden.