Modi & Sharif nem Bajrangi Bhaijaan film reprangdaktsüner: Salman

July 16, 2015: Asüng film hall balala nung Bollywood actor Salman Khan indang film tasentiba ‘Bajrangi Bhaijaan’ sayatsü aser iba film reprangtsü asoshi pa sapurtemi kanga yongyatepdagi.

Iba film ya Pakistan tsür chanu ka ajungbena arrtsülen India telung nung adoker aser Bajrangi-i la yaria tenemlen adena lar taso limai anir otsür.

Film nung tongti shilem agisang Salman Khan-i kodanga pa tebilemba arendaka mejembir aser iba yongji pa sapurtemi pa kanga meimer.

Salman-i Pakistan aser India linük naprongla nungi lenir ana dang iba film osang sangokja, pei chirtem meimbaji ajak dang nungi tematiba ta shia lenir anaprongla dang iba film reprangdaktsüner, ta shiogo.

Pai twitter nung Ato kilonser Narendra Modi aser Pakistan Ato kilonser Nawaz Sharif naprongla tagged süa, “Indo-Pak lenir anapronglai Bajrangi Bhaijaan reprangra ni meimtsü aser akhümtsübutsü, kechiyong chirnurtem meimbaji ajak dang nungi tematiba @narendramodi #nawazsharif (sic),” ta ashi.

Ano osang tajung kaji Pakistan nunga iba film sayatsü asoshi Pakistan Censor Board-i agizükogo.

‘Bajrangi Bhaijaan’ film nung Salman-i Pavan shiolem agir aser Kareena Kapoor Khan-i school tesayur Rasika ama shilem agia lir.

Film nungsa Nawazuddin Siddiqui-i tongtibang shilem agir.