Fawad Khan-i Kareena den külemi inyaksemner

July 16, 2015: Pakistan nunger actor Fawad Khan-i Bollywood actress Kareena Kapoor Khan den film nung külemi shilem aginer, aser pai maongka dang ngura la den külemi inyaktsü, ta ashi.

Arishi küm 33 actor Fawad-i, Kareena ya sempet aliba actress ka lir iba den külemi Bollywood film industry nung actor/actress tajung aika lir, ta ashiba Express Tribune osang ajanga metetdaktsü.

‘Khoobsurat’ film nung tongti actress aser Saif Ali Khan kinüngtsü Kareena na tawa studio ka nung külemi nguogo, aser ibaji ajanga tenati film ka nung külemi shilem agitsüa akok, ta imladagi.