NSF Senior Conclave alitsü

Dimapur, November 16 (TYO) : November 21, 2015 nü Naga Students’ Federation (NSF) Senior Conclave agitsü, ta NSF General Secretary, Boveio Poukai Duo-i sangdong ka nung metetdaktsü.
Iba sentong ya Hotel Japfii nung anüngdang 12:00 ako nungi tenzüktsü aser NSF seniors den tang teinyakdak executives külem senden alitsü, ta paisa ashi.
1947 nungi 2015 tsüngda NSF nung inyaksemer ajak iba senden nung adentsü pelashishia jaoker, ta Boveio Poukai-isa sangdong nung shia lir.
Iba senden nung tongtipang onük aika jembitsü lir anungji Seniors ajaki tangatetba tajung nung NSF Seniors Conclave nung adentsü mepishia mtetdaktsür ta sangdong nungsa metetdaktsü.