Dimapur nung tashiyim agi sen sarur 2 apu

Dimapur. November 17 (TYO) : November 16, 2015 nü Dimapur Police nungi Anti-Extortion Team-i ‘Dimapur District Pick-up Van Owners & Drivers Union’ tenüng nung sen sarur nisung ana apu.

Ozüng alema sen sarur anaji Khukishe Kiba aser Nitoka Awomi ta jangjaogo, ta Addl. Dy. Commissioner of Police/PRO, Dimapur-i sangdong ka nung metetdaktsü.

Tena ya Dimapur kübok Murgipatti tesem nung apu aser taitsü aketba tax coupons aser tanga kakettem aika bena liasü, ta sangdong nungsa shia lir.

Ano, November 17, 2015 nü Dimapur Police-i Chumukedima check gate nung ILP malir nisung 7 apu. Parnok ajak okadak ket nung agütsüogo, ta Addl. Dy. Commissioner of Police/PRO, Dimapur-isa sangdong nung metetdaktsü.