KV Chowdary CVC aser Vijai Sharma CIC shimogo

New Delhi, June 08(Agencies): Tanü Centre sorkari Information Commissioner,Vijai Sharma Chief Information Commissioner tasenba asoshi shimogo, aser taoba CBDT tongti KV Chowdary Central Vigilance Commissioner tasenba asoshi shimogo, ta sorkar sangdong ka ajanga metetdaktsü.

Osang ka ajanga ashiba agi,Ato kilonser Narendra Modi-I Lok Sabha nung opposition tongti lenir, Mallikarjun Kharge den senden ka mena item menden asoshi lemsatepa liasü.

Chief Information Commissioner (CIC) shimba committee senden nungji Union Finance Minister Arun Jaitley dena liasü aser Central Vigilance Commissioner (CVC) shimba senden nung Union Home Minister Rajnath Singh dena liasü, aser senden anaprongla nungji Minister of State for Personnel Jitendra Singh-a den aliasü.

CIC,CVC aser Lokpal nung tongti menden asoshi meshimba atema taoba ita Congress Tir Sonia Gandhi aser tatong Tir Rahul Gandhi nati Ato kilonser Modi ajia, ochumashiba maparen ajanga tetsübu nung item menden asoshi meshir, ta shia liasü.

Iba dak alia item meden asoshi meshimba atema RTI activists aikati asüngdanga aruogo.

Sharma ya taoba mapang Environment Secretary inyaka aruogo aser 2012 küm nungi Central Information Commissioner nung Information Commissioner ama inyaker. Pa menden tasenba nung December 2 nü pa arishi küm 65 abensaba mapang tashi alitsü.

Ano aküm October ita nung CBTB nungi anisüngzüka alisang Chowdary ya black money ken o bushisüngdangba tentet, Special InvestigationTeam (SIT) nung adviser inyaker.
CVC aser CIC na menden asoshi tenüng agütsür nisung 130 liasü, ta osang ka ajanga ashi.