Lucknow, November 18 (Agencies): Tanü India nung Shia clerics tentet, Majlis-e-Ulama-e-Hind (MUH)-i India nunger Muslim tem dang linük nung Hokolbar nü (November 20) sarasadem mapang Islamic State (IS) aser iba telok den mesüktepba teloktemi kiralongraba atema lungkak aitang, ta shiogo.
Lucknow nung MUH general secretary aser Shia Cleric Maulana Kalbe Jawab Naqvi leniba nung lungkak aittsü. Hokolbar sarasadem tembangba sülen paisa Asifi Mosque nung adenshia alirtem den jembitsü.
Iba mapang nung pai, IS kiralongrartemi Paris yimti amakba aser alima tesem balala nung kiralongraba mapa ya Muslim yimsü anema lir ta angatetdaktsütsü.
Iba den kasa lungkak aitba sentong Uttar Pradesh nung MUH unit tem aser India tesem balala nunga agitsü.
Iba sentong nung Shia Muslim nunger aikati shilem agitsü imlar.
Jawad-isa Hokolbar nü Muslim nunger sects balala ajak dang longjemer alioma nung kiralongraba mapatem anema ola adoktsü ayongzükogo.
Taoba Hokolbar nü IS kiralongrartemi France yimtiba, Paris nung tesem ishika bomb aser prangpong amshia amakba lendong nung nisung 130 dak tema tepset.
India nung Shia cleric temi ISIS anema lungkak aittsü added by asungba on
View all posts by asungba →
You must be logged in to post a comment Login