Mary Kom-i Olympics Test asaya nung shilem agitsü: AIBA

New Delhi, November 18 (Agencies): Olympic bronze medallist, MC Mary Kom-i Brazil kübok Rio de Janeiro yimti nung sangküm, 2016 küm agitsü ayongba Olympics asayamong nung shilem agitsü asoshi tendangba asaya nung shilem agitsü jenjang nguogo.
“Taruba December ita 4-6 nü tashi Rio yimti nung agitsü ayongba Test Event nung shilem agitsü asoshi International Boxing Association (AIBA)-i shimtetba India’er tsüngteper 6 rong nung Mary Kom tetsür tsüngteper kija lir,” ta India nung boxing ketdang asüba AIBA ad-hoc luden-i osang jangjashitsü.
Tan shimba tsüngteper 6-ji Rohit Tokas, Manoj Kumar, Devanshu Jaiswal, Parveen Kumar, Satish Kumar aser MC Mary Kom nunger aliba osang jangjaogo.