UP nung district 50 tzünglu maruba district ta sangdongogo

Lucknow, November 19 (Agencies): Uttar Pradesh nung aliba district 75 nungi district 50 bo tzünglu maruba ajanga timtem agi kongshiba tesemtem ta sangdongogo, ta Brishostibar nü sorkar ketdangser kati ashir.

Item district tem nung March 31, 2016 nü tashi saru magi atatsü, ta ketdangserisa ashi.

Tzünglu junga maruba tensa indang osang asadangba sülen state chief minister Akhilesh Yadav-i iba telemtetbaji agia liasü.

Item state 50 rongnung Faizabad, Jhansi, Sant Ravidasnagar, Lucknow, Allahabad, Mirzapur, Ballia aser Ghaziabad district tem densema lir.

Item district tem nung teyari balala agütsütsü atema chief minister-i tuyuogo aser irrigation, rural development, panchayati raj, agriculture, social welfare, institutional finance, animal husbandry aser health department tem dang item tesemtem nung aluyimertem atema special schemes agütsütsü tuyuogo, ta sorkar ketdangser kati metetdaktsü.