Lalu Prasad’er jabaso Bihar Deputy CM asütsü

New Delhi/Patna, Nov 19 (Agencies): RJD tongti lenir, Lalu Prasad Yadav’er jabaso anaprong- Tejaswi Yadav aser Tej Pratap Yadav Cabinet minister atema tenangzükba agitsü, ta Brihostibar nü RJD osang ka ajanga ashi.
Lalu’er jabaso Tejaswi Yadav Bihar Deputy chief minister atema tenangzükba agitsü.
Hokolbar nikongdang 2:00 nung Nitish Kumar Bihar Chief minister menden atema tenangzükba agitsü.
Chief minster-i anir minister tem tenangzükba agiba sentong nung Congress tatong Tir Rahul Gandhi, tesüiba mapang Ato kilonser H D Devegowda, NCP tongti lenir Sharad Pawar, National Conference lenir Farooq Abdullah, Lok Sabha nung Congress lenir Mallikarjun Kharge aser Rajya Sabha nung Congress lenir Ghulam Nabi Azad nungera adentsü.
Bihar assembly election nung BJP atema nübo yimtsüsang Ato kilonser Narendra Modi-a iba sentong nung adentsü atema jaok, saka pabo medentettsü.
Ajisüaka, Central sorkar tenüng nung Union minister ana- M Venkaiah Naidu aser Rajiv Pratap Rudy na iba sentong nung adentsü ta BJP-i shiogo.
Iba sentong nung adentsü atema West Bengal Chief minister Mamata Banerjee, Delhi CM Arvind Kejriwal, Uttar Pradesh CM Akhilesh Yadav aser Sikkim CM P K Chamling nunger den Congress-i yimsü asüba state chief minister tem ajak jaoka lir.