Ungma o Tuensang yimna aksütep

Mokokchung, Nov 21 (TYO): Nagaland nung yim tulutiba rongnung ana; Ungma aser Tuensang yimna sanger Honibarnü aksü madak akangjungtepba sentong ka yangi Ungma yimtak meraketa agiogo. Iba akangjungshi ya tongtibangsa Tuensang Deputy Commissioner, Ungma nunger Wb. Alemjongshi akhüm nung pai achayanga aksütep.

Tanü iba sentong nung Tuensang D.C Wb. Alemjungshii mapang tatsüka agia jembidang, timtem balala arudang aser nüngdakba mapang ajak nung akang tembar ka ama kati ka den yaritepa aotsü asoshi tayongzükba agütsü.

Iba kasa sentong nung Ungma aser Tuensang yimna nungi yimsüsür aser lennir balalai sobaliba aksütepba dak sentakba sobaliba maparen balala inyakba den yimna nungi tepela aser tayongzükba o tulu bener arua lemsatepa liasü.

Taküm 2015 January ana nungto Ungma yimteni Tuensang yim semdanga kasa akangjungtepba maparen inyaka liasü. Aji ser, tanü Nov 21 anogo Tuensang yimteni Ungma yim semdanga kasa aksü maparen inyaka akangjungshitepogo.