Kohima police-i gari ka sota lir

Dimapur, November 21 (TYO) : November 19, 2015 nü Kohima police-i BSF check gate, Keyake nung Tata Sumo gari ka sota lir.

Iba gari indang registration number ji NL-06-3473 lir aser gari indang engine o Chassis number ji smart card nung agüja aliba den meputep liasü. Anosa, smart card nung DTO Zunheboto melena DTO Dimapur-i sign süa liasü.

Iba gari indang driver jagi gari kibur ajatsü nüngtem nung gari toktsür jena ao, ta Sub-Divisional Police Officer & PRO, Kohima-i sangdong ka nung metetdaktsü.