Nagaland nunga ‘International Day against Violence against Women’ amungtsü

Dimapur, November 21 (TYO) : November 25 nü International Day against Violence against Women aser December 10 nü International Human Rights Day amungtsü atema UN-i tetuyuba agütsüba nung ajemdaker Nagaland State Commission for Women-i taoba mapang nung ama November 25, 2015 nü Launching Programme tenzüktsü.

Iba Launching Programme ya Tuensang nung agitsü aser iba sülen Longkhim aser Mokokchung nunga follow-up programmes ayongzüka agitsü. Tatemsa December 10, 2015 nü Kohima nung sentong tatembangba agitsü.

Item sentong ayongzüka agiba nung tesem balala nungi Tribal Women’s Unit, Arogo nungi tetsür lennirtem, Administrators, Police, DB’s aser GB’s nungertem jaoktsü.