India tsür, Aditi-i Asian Woman Footballer of the Year sempet agizük

London, November 21 (Agencies): India tsür, Aditi Chauhan-i 2015 Asian Woman Footballer of the Year sempet agizüka otsü tasen ka tan Brehostibar nü yangluogo.

London nung agiba 3 buba Asian Football Awards sentong nung Aditi-i iba sempetji agizüka India tsür rong nung Asian Woman Footballer of the Year sempet agizüker mezüngbuba asayar aküm.

Delhi tsürla, arishi küm 23 tain Aditi ya Britain nung ayonga asayaba FA Women’s Premier League asayamong nung shilem agiba telok, West Ham Ladies nung goalkeeper lir.

Aditi-i ita 3 tejaklen West Ham Ladies asayar küma, FA Women’s Premier League nung shilem agir mezüngbuba India tsür küma otsü tasen ka yanglua liasü.