Atletico de Kolkata-i 4-0 agi FC Goa akok

Kolkata, November 22 (Agencies): Tang tasayadak Super League (ISL) asayamung nung kanga junga asayateter aser taoba mapang takok nuga alir, Atletico de Kolkata-i yangi Salt Lake Stadium nung Deobarnü 4-0 agi FC Goa koka tan asayamung nung temaba jenjang tongtetogo.
Sameehg Doutie-i goal ana yok—ka minute 20 aser ka minute 78 nung. Ano captain Borja Fernaindez aser Iain Hume natia minute 22 aser 68 buba nung goal kaka yok aser iba takok ajanga parnoki points 3 nguteta Goa ajateta temaba jenjangi tuogo.
Parnok 12 ben asayaba nung tan akoba dena trokba kokogo, anaben draw asü aser pezüben makok. Tang tashi nung panoki points 20 nguteta lir.
FC Goa temaba jenjang nung aliba tan tamakok ajanga 11 ben asayaba nungi point 18 nguteta tanabuba jenjangi aluogo. Parnoki ponguben akok, asemben draw asü aser asemben mokoki lir.