Tanü Karbi Anglong ghonda 12 mokdanger

Dimapur, July 16 (TYO) : July 17, 2015 Karbi People’s Liberation Tigers (KPLT)-i Karbi Anglong ghonda 12 mokdangtsü ayongzüker.
Iba sentong ya anepdang 5:00 ako nungi nikongtsütsü 5:00 ako tashi alitsü. Iba mapang Karbi Anglong adena senzürtem asoshi police escort agütsütsü aser itemji anepdang 8:00 aser 11:00 ako nung aser nikongtsütsü 2:00 aser 4:00 nung agütsütsü.
Anungji senzüsenbongertemi item mapang nung dang senzütsü metetdaktsür, ta Dimapur police PRO-i sangdong ka nung shiogo.