J&K, Katra nung helicopter lendong nung 7 tsükset

Jammu, November 23, 2015: Hombar nü helicopter ka nung temeshi aini aortem Vaishno Devi tekülem kidangi aoba mapang Jammu & Kashmir anasa Katra nung tayimtsüji tsükokba noksa nung angur. Iba lendong nung tetsür pilot ka densema nisung 7 tashi tsüksetogo.

Jammu, November 23 (Agencies): Hombar nü helicopter ka nung temeshi aini aortem Vaishno Devi tekülem kidangi aoba mapang Jammu & Kashmir anasa Katra nung tayimtsüji tsüokok, aser iba lendong nung tetsür pilot ka densema nisung 7 tsüksetogo, ta police osang ka ajanga ashi.
Iba helicopter ji Katra nungi Sanjhichat leni apusoa liasü, ajisüaka tayimtsü apusoli mapang tatsüka tsüngda mi adok, ta kasa osang ajanga ashi.
Helicopter ji Himalayan Heli service company meyong liasü.
“Nisung tenet- temeshi aini aor nisung trok aser tetsür pilot ka iba lendong nung asü. Onoki bushisüngdang tenzükogo,” ta Jammu, Inspector General, Danish Rana-i ashi.
Television noksa nung moapu ka nung tayimtsü teraksaji police den nisungtem adenshia reprangba sayua liasü.
Iba tekülem kiji Vaishnodevi nüngtem nung yangluba aser ibaji Jammu yimti nungi northeast tsütsü kilometer 60 (mile 35) pilaa oor lir.
Temeshi aini aor karibo Katra nungi Trikuta tenemkongi gari lenmang ajanga masü saka nija helicopter ajanga aor.
February ita nunga military helicopter ka Srinagar north tsütsü tsükok, aser iba lendong nung pilot anaprong asü.
Helicopter service tem Katra tenemtsüng nungi apusor aser ainlen jajartem Sanjhichatt nung anenzüka toktsür.