Police Union Baptist Church tenla tasen semzük

Dimapur, November 23 (TYO) : November 22, 2015 nü New Police Reserve (Phesema), Kohima nung Executive Secretary NPBCA Dr. Hukashe Zhimomi-i Police Union Baptist Church tenla ki tasen meshiteta lapoktsüogo.
Iba sentong nung DGP L.L Doungel IPS lia Dr. Hukashe Zhimomi-i tenla ki meshitetba sülen o jembidang, Khristan tamanger tera dang süaka lokti nung mapa jenti inyakteter ta ashi.
Director General of Police, L.L Doungel IPS-ia o jembidang, tenla ki yangluba mapa nung teyariteper ajak dang pelaba metetdaktsü.
Pa inyakba kümsük mapang tenla ki yanglutetba atema kanga pelar ta DGP-isa ashi.
Sentong nung Church Building Construction Committee Convenor, Triponse Sangtam IPS (Retd.)-i tenla ki yangluba osang metetdaktsüdang, June 8, 2012 nung taoba Director General of Police, O. Alem IPS-i iba ki asütsü atema lung azünga yutsü, ta ashi.
Finance secretary, PUBC Jehovi Achumi-ia ashiba agi, October 31, 2015 tashi nung tenla ki atema sen aruba ajak agi Rs. 3,31,81,949 liasü.
Iba tenla ki ya Police project Architecture Engineer, Neilazo Metha aser Er. Neilabeizo Angami nati purapiteta yangluba lir.