Ajaki tekümtet agizüktsü akok

Yohan 6:37 Kechi Tebui kü nem agütsür aji ajak kü dangi arutsü; aser shiba kü dangi arudir ni pa kodakang mendoktsü.
T. Mapa 2 Aser yamai alitsü, shirisa Kibuba tenüng nung jadir kümzüktsü.
Rom 5:15-20 Ajangla kechi? Asenok ozüng kübok masü, saka taochi kübok alinung, asenoki temenen inyaktsü asü? Yamaji kodanga masü! Nenoki tashi angaa shiba nem pei sasa alar ama agütsür, temenen atema tasütsü asoshi süshia, tashi angaba atema temeshiba asoshi süshia, nenoki shiba dang tashi angar pa lar nenok lir ta, nenoki memetet no? Nenok temenen alartem liasü, saka nenoki temulung ajak agi nenok nem agütsüba tesayuba nung tashi anga, aser temenen nungi nüji kümdakja nenok temeshiba lartem aküm; item asoshi Tsüngrem tenüng sangang. Nenok shi tashi mait nung, ni nenok dang nisung ama jembir, kechiyong nenoki kechi koda nenok tenüktelen memeshiba nem alar ama agütsü, aser tali, tali temenen tuluba nem agütsü, aji oda tang nenok tenüktelen meshitettsü asoshi temeshiba lartem ama agüjang. Kechiyong kodang nenok temenen lartem liasü nenok temeshiba kübok mali asü.
Rom 10: 11,12 Kechiyong Laishibai ashir, shibaisa Pa dak amangdir Pa makdaktsütsü kechiyong shibaisa Kibuba tenüng nung jadir Pa kümzüktsü.
2 Kor. 5:14 Kechiyong Khrista temeimi onok ajungshir, kechiaser ajak atema ka asü ta onoki shisatet.
1 Timoti 2:3,4 Ya asen Kümtetdakba Tsüngrem, shibai nisung ajak kümzüktsü mulunger, aser ochi metetba ngudaktsüner Pa madang tajung aser agizüktsüba lir.
1 Timo 4:9,10 Iba O tamangtsü, aser ajaki agizüktsü tetemsü, kechiyong iba atema onoki mapa inyaker aser meranger, kechiaser onoki taküm Tsüngrem, shiba nisung ajak aser tongtipangsa tamangertem Kümtetdakba lir, Pa dak yimlar.
2 Tim. 2:21 Anungji kari pei sasa item nungi merüka yura, Pa tetushitsü oset temeshitet, Kibubai amshitsü tetemsü, aser mapa tajung ajak asoshi terenem lir.
Tit. 2:11 Kechiyong nisung ajak dangi tekümtet bener aruba Tsüngrem taochi jungkai adokogo.
1 Yohan 2:2 Aser Pa asen temenen asoshi tekümtet tenla lir; aser asen temenen asoshi, saka alima ajak asoshi lir.
J. Adok 22:17 Aser Tanela aser tanioklai, Arung, ta ashir. Aser shibai angashir pai arung ta shiang. Aser shibai mulunger, Pai angati taküm tzü agiang.
Kibuba Yisu, Nai kü dang odang meim nung, Na ajanga Tebu Tsüngrem tekümtet jungkai adoktsü nung Ne tenüng asanger. Amen.