Manipur bypoll nung BJP menden ana ngutetogo

Imphal, November 24 (Agencies): Tan Manipur Assembly bypoll nung BJP-i Thangmeiband aser Thongju constituency tem nung takok ngua assembly nung Mongulbarnü menden ana ngutetogo.
BJP-i item menden ana nung Congress madak vote aika agi takok angu. Thangmeiband assembly nung BJP nungi Kh Joykishan Singh-i vote 12,098 angu saka Congress candidate Jyotin Waikhom-i vote 10,195 dang ngutet.
Thongju Assembly constituency nung Congress nungi Bijoy Koijam-i ngutetba vote 11,393 ajateta BJP candidate Th Bishwajit Singh-i vote 14,605 ngua takok angu, ta ketdangsertemi ashi.
Manipur Democratic People Front nungi G A Tonsana Sharma constituency anaprongla nung nüngdakba vote mongutetba ajanga kata nunga takok mangu.
Iba bypoll ya Speaker-i, Thangmeiband aser Thongju constituency tem nungi Kh Joykishan Singh aser Th Biswajit Singh na ‘anti-defection law’ kübok May 28 nü menden nungi aludaktsüba sülen agiba lir.
Speaker-i kasa anogo nungsa Wangoi Assembly Constituency nungi MLA, O Lukhoi-ia anendaktsü ajisüaka Court ka ajanga tetuyuba angutsüba dak ajemdaker Manipur High Court-i Wangoi menden tazüng mali, ta sangdong.
Thangmeiband AC aser Thongju AC MLA ana yagi, Corut dang meshi parnok shimba telok nem tanaben vote südaktsütsü ta sangdonga alisü.
Speaker-i MLA ana yagi Trinamool Congress dang nungi pila-a tena sasep nung party tasen tenteta, ta shia menden nungi anizüka liasü.
Thangmeiband assembly constituency nung Kh Joykishan den toktepertemji Congress nungi Jyotin Waikhom aser Manipur Democratic People Front (MDPF) nungi G A Tonsana Sharma nunger liasü.
Thongju assembly constituency nung MDPF nungi G A Tonsana Sharma aser INC nungi Bijoy Koijam nati BJP nungi Th Bishwajit Singh den toktepa liasü.