Assam nung Gorkha nungertem candidate talila aginür

Guwahati, November 25 (Agencies) : Assam nung 2016 assembly election agitsü ita pungu shi anünga lia Assam nung aliba Gorkha nungertemi parnok nütsüng aika aliba constituency tem nungi candidate yoktsü tebilemba lemsatepogo.
Assam nung assembly constituency 15 nung Gorkha nunger aika lir ta All Assam Gorkha Students’ Union (AAGSU)-i Bodbarnü metetdaktsü.
2016 asembly elections nung constituency 15 nungi Gorkha candidate toktepdaktsüba party aser Gorkha Autonomous Council (GAC) nungitba telok yaritsü, ta AAGSU tir Prem Tamang-i ashi.
Tang Assam legislative assembly nung Gorkha nunger MLA 2 aser parliamentary secretary ka lir, ajisüaka taoba mapang nungbo cabinet minister 2 aser MLA 4 liasü, ta AAGSU-i ashi.
Assam nung Gorkha nunger nütsüng lakh 30 shi lir aser constituency 15 yutsür ano constituency 65 nunga nütsüng aika lir, ta Tamang-isa ashi.
“Assam nung Gorkha nungeri Gorkha candidate dak alaka tanga party shinga nema vote magütsütsü. Party kari Gorkha candidate shimra, AAGSU-i iba constituency yaritsü” ta AAGSU central executive member Nanda Kirati Dewan-ia ashi.