Tejen Lai aser Tasen Lai

~Y. Imti Tzüdir, Nuton Bosti, Dimapur.

Temeshi Laishiba (Holy Bible) kaket 66 lir. Itemji mezüng shibai zülu, tapu aser tekong (chapter & verse) kwi, ken dang ranglok nung (at a glance) metettsü atema tatsü agi itemji adoktsür. Tapu shia tekong kwi ajia ni zülua yua lir saka talang asünung yangibo magütsür. Kari aginüra ni agütsütsü. ABAM ajanga 2015 küm Lai bushiba ta ayongzüka aliba ama nia Lipok nungi Jungkai adokba kaket tatem tashi taküm küm züngmaogo. Ibai metettsü nüngdak ta ni ajitet nung ajaki zünga metettsü teimla nung Tir Yimyim nung iba ocet (article) adoktsür.

Tongtibang temetettsü kar:
1. 3 buba Yohan English Bible kar nung – e.g. (1) “The people’s Study Bible” Living bible. (2) E.S.V Study bible, (3) Good News Bible; tekong 15 tashi lir. Ao laishiba tasenba nunga tekong 15 tashi lir. Saka laishiba aika nung tekong 14 tashi dang lir; aji saka tetezübu shitak dan lir.
2. Lai züluba küm ajak tebilemba (probable) küm dang lir; aji saka tetezübu shitak dang lir.
3. Laishiba nung tekong timtiba Tenüngsang Ken 119 (Tekong 176).
4. Tatsütiba aser tiyongtsüba tapuji (shortest & middle chapter) T. Ken 117 (tekong 2 tashi dang).
5. Tekong talangtibaji Esther 8:9 aser tatsütibaji Yohan 11:35 (Yisui ajeb).
6. Laishiba nung tekong tiyongtsüji (middle verse) T. Ken 118:8 lir.
7. Lai nung tenüng talangtibaji Isaia 8:1 (Maher-shalal-hashbaz-Zülujang 18).
8. Kaket zülurtem aikati Laishiba nung tekong (Verses) paiga lir ta adoktsüba ni züngogo saka aika meshitak asü nung ni kanga junga bendener (calculate) adoktsür.
Iba ocet azünger ajak Tsüngremi moajangma.