Excise & Forest nung inyakertem ozüng angazüker

Dimapur, November 26 (TYO): Excise aser Forest department nung ketdangsertem nem Drugs laws dak aketba ozüngtem benshia aotsü atema tesayuba agütsüba sentong ka tanü Brehostibar nü Excise Directorate, Dimapur nung tenzükogo. Iba sentong ya anogo ana agitsü.
Tanü iba sentong nung jembidang, ozüng amshia mapa inyaktsü purtem asoshi tang amai mapang shia ozüng shitak amshia otettsü atema tangazükba sentong ayongzüka akatsü nüngdaker, anungji iba ama sentong nung adenertemi temulung agüja shilem agitsüla ta Deputy Commissioner, Excise Wb.Visedelie Mepfuoi metetdaktsü.
Iba sentong nung Excise aser Forest department nung inyaker ketdangsertem ajak agi nisung 29 dendagi.