HWLF: India o Argentina na tanü ajuruteptsü

Raipur, November 26 (Agencies): India nung asayatsü ayongba Hockey World League Finals (HWLF) tetenzükba asaya asüng, Hokolbar nü India aser Argentina na tsüngda asayatsü.
World No. 5 Argentina, World No.2 Netherlands aser World No.3 Germany nunger den külemi India teloka Pool B nung atazükja lir.
High Performance Director & Chief Coach, Roelant Oltmans lenisüba kübok India-i tawa temaleni jenjang 2 tashi atutsü maongka ngua tang World No. 6 jenjang nung lir.
World No. 1 Australia, World No. 4 Great Britain, World No. 7 Belgium aser World No. 14 Canada teloktema Pool A nung densemba osang jangjaogo.
Tan asayamong nung shilem agir telok 8 pronglai 2016 Rio Olympics nung shilem agitsü jenjang tajung ngua lir.