‘Men in Black 4’ nung woman in black ka adoktsü

November 27, 2015: Film Producer, Laurie MacDonald-i, taruba “Men in Black” film 4buba nung “tongtibang woman in black’ kati shilem agitsü, ta shiogo.

“Men in Black 4” nungbo MIB (Men In Black) signature style nung tetsür kati tongti shilem agitsüa akok, ta Aceshowbiz osang ajanga ashi.

McDonald den la kinüngbu aser producing partner, Walter Parkes nati tamalen, iba “Men in Black” film nung original stars, Will Smith aser Tommy Lee Jones nati joko Agent J aser Agent K na shilem magitsü, ta metetdakja liasü.

Tesülen Walter Parkes-i, “Kodanga Will (Smith) tezüngtok’ ta ashi.

Parkes-isa tangtangbo ano junga melemtepi lir, ta shiogo.

“Men in Black” 4 buba film dak sentakba nung Parkes-i, “Asem dak rangloker tamasa tesem asemsü nung reprangshitsü. Onoki character ana indang otsü aser tesentaktep otsü ashitsü merangtsü,” ta ashi.

“Iba ya suwar ama angatsüa akok, kechiyong iba ya temenünütsüka aser science fiction comedy lir. Tang onoki yanglushitsü meranger” ta Parkes-isa shisem.