Kajol-i TV nung ‘Dilwale’ film ajungkettsütsü

Mumbai nung “Dilwale” film indang ken sayaba sentong nung Shah Rukh Khan, Kajol, Varun Dhawan aser Kriti Sanonat nungertem angur.

 November 27, 2015: Bollywood actress, Kajol-i TV nung “Dilwale” sentong ajungkettsütsü.

Lai Star Plus nung tang teyokdak sentong “Saath Nibhaana Saathiya” nung shilem tila ka agitsü aser iba mapang lai serial nung temeimteper ana pilar aliba lungjemdaktsütsü.

“Saath Nibhaana Saathiya” nung Gopi shilem agila, Devoleena Bhattacharjee-i, “Ni “Dilwale” nung shilem agir Shah Rukh Khan aser Kajol na “Dilwale Dulhania Le Jayenge” (DDLJ) film nung shilem agiba mapang nungi kanga sapua liasü.

“DDLJ nung tenati Raj aser Simran shilem agiba ngur tang tashi nia kü Raj atema adar,” ta Devoleena-i sangdong ka ajanga ashi.

“Saath Nibhaana Saathiya” nung Kajol shilem December mezüng hopta nung tangoktsü.

Rohit Shetty-i direct asuba “Dilwale” film nung Varun Dhawan aser Kriti Sanon nata shilem agidar. Iba film ya December 18 nü nungi sayutsü sentong lir.