Dimapur nung Brown Sugar shibelener 2 apu

Dimapur, July 17 (TYO) : Dimapur nung ozüng anema mozü shibelenba mapa inyakba osang angazükba sülen July 16, 2015 nü Dimapur Police nungi Special Branch-i bushisüngdanga aodang Grace colony, Rail Bazaar nungi temulung melemi bilemer nisung ka apu.
Iba nisungji Adani lir aser pa dang asüngdangya asüdang osang angazükba sülen Mrs. Taphro Punou (38) ket nungi Brown Sugar gram 600 shi bena aliba angu, ta Addl.Dy.Commissioner of Police/PRO Dimapur-i sangdong ka nung metetdaktsü.
Taphro ya Marafii, Manipur yimer Neponee Punou kinüngtsü lir ta jangjaogo. Arishi küm 65 tain Adani Mao ji Padunamai, Manipur yimer asür Pisii Mao’er jabaso lir aser pa Signal Angami, Dimapur nung telidak lir.
Iba dak sendakba nung police-i ano nisung anaprong apu aser East Police Station nung tena anema ken o ka benokogo, ta Dimapur Police sangdong nung shia lir.