Hornbill 2015 Soloist vocal screening nung nisung 12 shim

Dimapur, November 28 (TYO) : December 9, 2015 nü Kisama Hornbill 2015 Soloist vocal competition atema tanü edition screening agiogo.
Honibarnü RCEMPA, Music Task Force Jotsoma nung iba sentong agidang kentener 36-i shilem agi aser parnok rongnungi nisung 12 shimogo.
Tanü sentong asoshi tetendangertemji – Khyochano TCK Lotha, James Basnet aser Ame-ü Usou Za-o nunger liasü aser teshimertemji – Pfukba Lama, Sevi-u Khruomo, Besuto Nienu, Vikali Aye, Sulivi Assumi, Neisenuo Apon Rengma, Zulutila, David Sailo, Bimla Rana, Menuose-ü Sorhie, Vipito V. Swu aser Imnawapang Tsudir nungertem lir.
Lanurtem ajungkettsü nükjidong nung Association of Kohima Municipal Wards Panchayat (AKMWP)-i Inter Wards Solo competition ayongzüker aser iba tetoktepba nung takok angurtemi sen 1, 24000 shi alangba sempettem agutsü.
December 9, 2015 nü Kisama nung Soloist vocal competition final sentong nung Kohima nung alirtem ajak arua adentsü pelashishia jaoker, ta AKMWP tir Neibulie Kiewhuo-i tanü sentong nung ashi.