Ni tangbo kibong akümtsü sentong mali: Preity Zinta

Mumbai, November 29 (Agencies) : Bollywood actress Preity Zinta-i la kibong akümtsü ta nisungtemi jembiba olulu atema jangjashitsüogo.
Lai social media ajanga la sapurtem dang la sangküm January ita nung kibong makümtsü ta metetdaktsü.
Taruba January ita Preity-i American nunger tetong Gene Goodenough den kibong akümtsü ta osang kar ajanga metetdakja liasü.
Preity-isa la sapurtem dang aser Twitter nung la sülen anidakertem dang la kibong akümtsüsa kümra lai iba osang parnok dang metetdaktsütsü ta ashi.
Arishi küm 40 tain Preity-i taoba la tetong Ness Wadia den külemi Indian Premier League (IPL) cricket team Kings XI Punjab nung kibur lir.
Lai small screen nung dance reality show ‘Nach Baliye 7’ nung tatemsa sentong agi.