New Delhi, November 29 (Agencies): Sashastra Seema Bal (SSB) patrol party kati Bihar, Kishanganj district nung India-Nepal arrtsülen ozüng alema shishilembartem arishiba mapang memeteti tanga litsü telungi aiba sülen Nepal arrtsü anükertemi SSB 13 apu, ajisüaka SSB ketdangsertemi Nepal Armed Police Force den tongtepratepa jembiba sülen parnok ajak chiokogo.
Deobar anepdang SSB sepaitemi Ambari-Kesna border post anasa melung malemtsüsa nisung kar anguba sülen parnokji arishia aoba mapang 7:30 ako meta Nepal tanükertemi sepaitemji apu.
Ketdangsertem ashiba agi, 12th SSB Battalion nungi constable Roshan aser Ramprasad of nati anir sepaitem jagi memeteti Nepal litsü telungi metre 50 shi iir liasü, aser iba mapang Khuntanmani yimtaklertemi parnok longbangba sülen Nepal tanükertemi parnok apu.
Paramilitary sepai, Sashastra Seema Bal (SSB) yagi Nepal den arrtsü kilometer 1,751 anüker.
Nepal sepaitemi apuba SSB 13 chiokogo added by nungsang on
View all posts by nungsang →
You must be logged in to post a comment Login